Հնարավորինս զսպում եմ զոհվածների ծնողներին, բայց կգա պահը, երբ այլևս զսպել չի լինի

«Էս մարդիկ գիտեն հանաք ենք անում. ինչ որ խոսում ենք՝ էտի լուրջ ա… մի հատ բարձրացի, ասա՝ էս մարդիկ արժանի՞ են նման վերաբերմունքի, որ էսքան սպասեցնում ես»,- դիմելով ոստիկաններին` ասաց դատախազության մոտ բողոքի ակցիա իրականացնող 44-օրյա պատերազմի ժամանակ զոհված զինծառայողի հայրը:

«Արթո՛ւր, դատախազ ես, գոնե քո կաշվից վախենալով՝ Նիկոլին կանչի հարցաքնության: Նիկոլը թռնելու ա, մի գիշերում էթա, դու մնալու ես ախր, էս ժողովրդին ի՞նչ ես ասելու»,- շարունակեց նա, ապա դառնալով շենքի մուտքը փակած ոստիկաններին` ասաց. «Ձեզ պես տղերքին խաբել են, ասել են՝ կռվեք, հետևներից չեն գնացել, սնունդ, ջուր չեն տվել: Ձեր տղերքը չէի՞ն՝ Շուշի մտցրին, կլուբը տրաքցրին, ձերը չէի՞ն… այսինքն, մարդը իմանալով՝ ձեզ մտցրելա կլուբը ու ցելով տրաքացրել ա»,- կրկնեց զոհված զինծառայողի հայրը:

Հիշեցնենք՝ զոհված զինծառայողների ծնողները բողոքի ակցիա են իրականցնում Դատախազության դիմաց՝ պահանջելով պատասխանատվության ենթարկել վարչապետ Նիկոլ Փաշինյանին: