«Ո՞վ է էդ մարզպետը, որ կարողանա ձեզ ճնշել. վռնդե՛ք դրան». Իշխան Սաղաթելյան

«Դուք ունեք ընտրված քաղաքապետ. մենակ նրա համար, որ Մամիկոն Ասլանյանը չի կզել էս իշխանությունների տակ, գտնվում ա բանտում, ու քաղաքն անտեր ա»,- Վանաձորի հրապարակում ընթացող հանրահավաքի ժամանակ հայտարարեց ՀՅԴ-ական գործիչ, ԱԺ փոխխոսնակ Իշխան Սաղաթելյանը: «Ժողովրդավարությունից, մարդու իրավունքներից, ազատ ընտրելու ու ընտրվելու իրավունքից խոսող իշխանությունը ստեղ էլ ա ձեզ խաբել, հետևաբար օր առաջ սրանց պետք է հեռացնել»,- հավելեց նա: Սաղաթելյանը կոչ արեց վանաձորցիներին տեր կանգնել իրենց իրավունքներին. «Ինչո՞ւ ա ձեր ընտրած քաղաքապետն էսօր կալանքի տակ. տեր կանգնե՛ք ձեր իրավունքին: Ո՞վ ա էդ մարզպետը, որ կարողանա ձեզ ճնշել, մերժե՛ք դրանց, վռնդե՛ք շենքերից»: