«Զոհվածների մայրերը պարսավանքի են ենթարկվում, երբ որոշում են կրկին մայրանալ, զբոսնել, հաց ուտել». Աննա Հակոբյանը տեսաուղերձով դիմել է ժողովրդին

«Ստիպված եմ շարունակել որդեկորույս մայրերի նկատմամբ հանրային պարսավանքի թեման»,- ֆեյսբուքյան իր էջում հրապարակված տեսանյութը մեկնաբանել է ՀՀ վարչապետի տիկին Աննա Հակոբյանը: Նա ասաց, որ ի զարմանս իրեն, պարզել է, որ հատկապես համայնքներում լավ չեն վերաբերում այն երևույթին, որ զոհվածի մայրերը կրկին մայր դառնալու որոշում են կայացրել: Նրանց խեթ հայացքով են նայում անգամ, երբ նրանք տնից դւրս են գալիս, խանութ են գնում: Ըստ մեր հասարակության որոշ շերտերի՝ իրենք պետք է սև հաց ու ջրից բացի ոչինչ չուտեն ու միայն սգան: