Ներսես Պողոսյանի տանը հայտնաբերվել է քիչ չափաբաժնով հաշիշ. Aravot.am

Aravot.am-ի տեղեկություններով՝ Ավան վարչական շրջանի ղեկավարի տեղակալ Ներսես Պողոսյանի մոտ հայտնաբերված կաթուցիչում (պիպետկա) հայտնաբերվել է զրո չափաբաժնով թմրալկալոիդ, սակայն նրա տանն իրականացված խուզարկությամբ հայտնաբերվել է քիչ չափաբաժնով հաշիշ: Դեպքով հարուցված քրեական գործի նախաքննությունը շարունակվում է:

Ներսես Պողոսյանից փորձեցինք պարզաբանում ստանալ, սակայն նա չցանկացավ, որ իր մեկնաբանությունները հրապարակվեն: Նրա պաշտպան Յուրա Ավայանը մեզ հետ զրույցում ասաց, որ փորձագիտական եզրակացությանը դեռ ծանոթ չեն, չի կարող մեկնաբանել, սակայն վստահեցրեց, որ իր պաշտպանյալի՝ թմրամիջոց օգտագործելու վերաբերյալ որեւէ փաստ չկա:

Aravot.am